A Cooperativa de Vilaboa reforza a súa solvencia tras pechar o exercicio 2025 cun beneficio de 581.123,75 €

A Asemblea Xeral Ordinaria aproba por unanimidade as contas anuais e a xestión do Consello Reitor

A Asemblea Xeral Ordinaria da Cooperativa de Vilaboa de Consumidores e Usuarios, S.C.G., celebrada o 21 de xuño de 2026, aprobou as contas anuais correspondentes ao exercicio económico pechado o 31 de decembro de 2025, así como a xestión realizada polo Consello Reitor durante o pasado exercicio.

O exercicio 2025 péchase cun resultado altamente satisfactorio, acadando un beneficio, despois de impostos e unha vez realizada a dotación ao Fondo de Formación e Promoción, de 581.123,75 euros (CINCOCENTOS OITENTA E UN MIL CENTO VINTE E TRES EUROS CON SETENTA E CINCO CÉNTIMOS DE EURO).

Principais cifras do exercicio 2025

Beneficio do exercicio:
581.123,75 € (CINCOCENTOS OITENTA E UN MIL CENTO VINTE E TRES EUROS CON SETENTA E CINCO CÉNTIMOS DE EURO)

Fondos propios da Cooperativa:
11.083.099,17 € (ONCE MILLÓNS OITENTA E TRES MIL NOVENTA E NOVE EUROS CON DEZASETE CÉNTIMOS DE EURO)

Máis fortaleza para seguir medrando

A Asemblea acordou destinar a totalidade do excedente aos fondos de reserva da Cooperativa, reforzando así os recursos propios da entidade e consolidando a súa estabilidade financeira.

Con esta decisión, os fondos propios alcanzan os 11.083.099,17 euros (ONCE MILLÓNS OITENTA E TRES MIL NOVENTA E NOVE EUROS CON DEZASETE CÉNTIMOS DE EURO), unha cifra que evidencia a solidez patrimonial da Cooperativa e a súa capacidade para afrontar os retos de futuro con garantías.

Un proxecto sólido ao servizo dos socios

Os resultados obtidos consolidan a tendencia positiva dos últimos anos e son o reflexo dunha xestión responsable, prudente e eficiente, sempre orientada á sustentabilidade da entidade e á mellora continua dos servizos prestados aos socios cooperativistas.

A Cooperativa de Vilaboa continúa fortalecendo o seu papel como unha entidade de referencia no ámbito rural, ofrecendo servizos de calidade, promovendo a economía social e contribuíndo ao desenvolvemento económico e social da nosa comarca.

Grazas pola confianza

O Consello Reitor quere expresar o seu sincero agradecemento a todos os socios cooperativistas pola confianza depositada na entidade e pola súa participación activa na vida da Cooperativa.

O compromiso dos nosos socios é a base que nos permite seguir medrando, innovando e construíndo un proxecto cooperativo sólido, solvente e con vocación de futuro.