Que é a Canle de Denuncias?

Na Cooperativa de Vilaboa de Consumidores e Usuarios, Sociedade Cooperativa Galega contamos cunha Canle de denuncias, que permite comunicar calquera incidencia ou irregularidade de potencial transcendencia que puidese resultar contraria ao establecido no Código Ético e de Conduta.

A Cooperativa de Vilaboa, de Consumidores e Usuarios, Sociedade Cooperativa Galega ten o seu domicilio social no Lugar A Figueira n.º 8, Vilaboa, 15.552, Valdoviño (A Coruña) e atópase baixo a supervisión do SEPBLAC en materia de AML/CFT e está suxeita á Lei 10/2010, do 28 de abril, de Prevención do Branqueo de Capitais e do Financiamento do Terrorismo, así como a outras normas autonómicas de regulación de Cooperativas e especificamente da actividade da súa Sección de Crédito, e ás correspondentes directivas da Unión Europea.

A presente canle está dedicada exclusivamente a dirixir denuncias por incumprimentos legais da Cooperativa de Vilaboa de Consumidores e Usuarios, Sociedade Cooperativa Galega e das súas persoas empregadas e traballadoras, nos termos e condicións da Lei 2/2023, do 20 de febreiro, reguladora da protección das persoas que informen sobre infraccións normativas e de loita contra a corrupción.

O obxectivo desta canle é detectar condutas contrarias a dereito, aos principios ou ás regras éticas e de bo goberno da Compañía, polo que animamos a empregados, clientes, provedores ou calquera persoa que teña contacto cos nosos servizos a comunicar ditas incidencias.

Sen ánimo excluínte nin limitativo, considéranse:

• Fraudes e estafas
• Branqueo de capitais
• Evasión ou elusión de impostos
• Delitos contra a propiedade intelectual ou industrial
• Competencia desleal
• Delitos contra o mercado ou as persoas consumidoras
• Corrupción interna
• Irregularidades coa Seguridade Social ou a Axencia Tributaria
• Incumprimento da normativa sobre protección de datos
• Revelación de segredos empresariais
• Malversación
• Delitos contra o medio ambiente e a saúde pública
• Vulneración de dereitos das persoas traballadoras

Algunhas das situacións que se poderían denunciar por esta vía son:

• Posibles condutas e comportamentos considerados ilegais no desempeño do traballo
• Presunta xestión lucrativa de recursos da empresa
• Situacións de discriminación ou abuso sexual
• Prácticas de corrupción, roubos, fraudes, etc.

A Canle de denuncias axústase ao previsto na Lei 2/2023, do 20 de febreiro, reguladora da protección das persoas que informen sobre infraccións normativas e de loita contra a corrupción, de tal forma que o protocolo de uso é o seguinte:

• Acuse de recibo nun prazo máximo de 7 días naturais, agás que poña en risco a confidencialidade.
• O prazo de investigación non pode ser superior a 3 meses, agás complexidade especial, que se podería ampliar a outros 3 meses.
• Posibilidade de interlocución coa persoa informante por se fose necesario solicitar máis información.
• A persoa denunciada debe ter a oportunidade de ser escoitada acerca dos feitos dos que se lle acusa.
• Protección dos datos persoais de todas as persoas implicadas.

Bo uso da canle

É importante lembrar que a Canle de denuncias xestiona unicamente comunicacións relacionadas con condutas que contraveñan o Código Ético e de Conduta da Cooperativa de Vilaboa, de Consumidores e Usuarios, Sociedade Cooperativa Galega. Para outras cuestións ou consultas, por favor diríxase ás canles habilitadas de atención á clientela ou ao persoal empregado.

Para evitar malas prácticas no uso da canle, aplicaranse criterios precisos para admitir as comunicacións e coa esixencia de responsabilidade civil, penal e administrativa das persoas que comuniquen feitos con abuso de dereito ou vulnerando o principio de boa fe. Na nosa Web preme en:

Como realizar unha denuncia

Para interpor unha denuncia abonda con comunicala no formulario de contacto da páxina Web. Os datos da persoa denunciante serán protexidos.

Pode cursarse de forma verbal, escrita ou presencial seguindo os pasos indicados no formulario da Canle confidencial de denuncias. Así mesmo, a comunicación pode ser anónima.

Poden denunciarse feitos de condutas da Cooperativa que contraveñan o seu Código Ético e de Conduta e supoñan incumprimentos da normativa interna ou contrarias a dereito segundo a lexislación vixente. Para máis detalle, ver o Código Ético e de Conduta.

Consultar o estado dunha denuncia

Para consultar unha denuncia interposta, abonda con premer no apartado da páxina Web.

Quen pode realizar unha denuncia?

Calquera persoa da empresa e aquelas persoas externas que estean ou estivesen vinculadas ou relacionadas con ela nun contexto laboral ou profesional.

Como se tramitará a comunicación?

Tramitarase garantindo a confidencialidade e a prohibición de represalias á persoa informante.

Garantía de confidencialidade da persoa informante

O sistema interno de información reúne as garantías de confidencialidade, non represalias, respecto á independencia, protección de datos, segredo das comunicacións e as prácticas correctas de seguimento, investigación e protección da persoa informante.